14 სექტემბრის ასტროლოგიური პროგნოზი

426
spot_img

ვერძი

პირადი ურთიერთობების თვალსაზრისით, რთული დღეა – საყვარელ ადამიანთან საერთო ენის პოვნა გიჭირთ. შესაძლებელია უსაფუძვლო ეჭვები და ამის გამო, ჩხუბი. ეცადეთ, ოჯახს მეტი ყურადღება მიაქციოთ – ახლობლებს დღეს თქვენი დახმარება განსაკუთრებით სჭირდებათ.

ამ დღეს შესაძლოა, შეხვდეთ ადამიანებს, რომლებიც გეგმების განხორციელებაში დაგეხმარებიან. სასიცოცხლო პოტენციალი მაღალია, ჯანმრთელობის მხრივ პრობლემები არ გელით.

კურო

საკუთარ ინტერესებსა და საყვარელი ადამიანების სურვილებს შორის რთული არჩევანის გაკეთება მოგიწევთ. თუ ხვდებით, რომ გეგმების დამოუკიდებლად განხორციელებას ვერ ახერხებთ, დახმარებისთვის ახლობელ ადამიანებს უნდა მიმართოთ.

შესაძლებელია მოულოდნელი ხარჯები და ფინანსური დანაკარგები, მაგრამ რაც არ უნდა მოხდეს, იმედი არ დაკარგოთ. ამ დღეს კარგი განწყობა და ოპტიმიზმი წარმატების აუცილებელი პირობაა.

ტყუპები

მნიშვნელოვანი და საპასუხისმგებლო დღეა. დროა, მიიღოთ გადაწყვეტილება, რომელზედაც ბევრი რამაა დამოკიდებული. მნიშვნელოვანია სიტუაციის ობიექტური შეფასება, ამიტომ გირჩევთ „ვარდისფერი სათვალე“ მოიხსნათ.

დღის მეორე ნახევარში ხმაურიანი დაპირისპირება გელით. სურვილის მიუხედავად, პრობლემის მშვიდად და დელიკატურად მოგვარებას ვერ შეძლებთ. გამოწვევებით სავსე დღეა, მაგრამ შანსი გაქვთ, რომ ღირსეულად დაძლიოთ და ღირებული გამოცდილება მიიღოთ.

კირჩხიბი

ამ დღეს უსიამოვნო სიურპრიზები გელით. ძველ პარტნიორებთან ურთიერთობას ბზარი გაუჩნდა, ამიტომ ახალი კავშირები უნდა დაამყაროთ. არ არის გამორიცხული პრობლემები სამთავრობო უწყებებთან და მაკონტროლებელ ორგანოებთან.

ფრთხილად იყავით – შეიძლება ძვირფასი ნივთი დაკარგოთ ან ძარცვის მსხვერპლი გახდეთ. თავი შეიკავეთ მაღაზიებში სიარულისგან, რადგან შეიძლება ბევრი უსარგებლო ნივთი შეიძინოთ და უფულოდ დარჩეთ.

ლომი

თუ არ იზარმაცებთ, შეიძლება ნებისმიერ საქმეში წარმატებას მიაღწიოთ. გავლენიანი ადამიანების დახმარებით თამამ იდეებს განახორციელებთ და გარშემო მყოფთა პატივისცემას დაიმსახურებთ.

ზოგიერთი ლომი დაუგეგმავ შემოსავალს მიიღებს ან დავიწყებულ ვალს დაუბრუნებენ. მშვენიერი დღეა ხალხმრავალ წვეულებებზე გართობისა და საჯარო გამოსვლებისთვის. საყვარელ ადამიანებთან ურთიერთობა და ახალი ნაცნობობა გაგახარებთ.

ქალწული

ეჭვებით სავსე ხართ და ყველგან ინტრიგები და შეთქმულებები გელანდებათ, რაც საქმიან ურთიერთობებზეც აისახება და პირადზეც.

ეცადეთ, სიმშვიდე შეინარჩუნოთ და სიტუაციის განვითარებას დააკვირდეთ – ეს უკეთესია, ვიდრე რეალურ თუ წარმოსახვით მტრებთან ბრძოლა. ამ დღეს ფიზიკური აქტივობები აუცილებელია, თუმცა ეცადეთ არ გადაიღალოთ.

სასწორი

ამ დღეს წარმატებით გაუმკლავდებით პრობლემებს, რომლებსაც სხვები ვერ უმკლავდებიან. საქმიანი მოლაპარაკებები კარგად ჩაივლის. კონფერენციებზე, სემინარებსა და მსგავს ღონისძიებებზე ყურადღების ცენტრში აღმოჩნდებით.

ეცადეთ, საკუთარ ცხოვრებაში ცოტაოდენი მრავალფეროვნება შეიტანოთ – მოუწყვეთ საყვარელ ადამიანს სასიამოვნო სიურპრიზი, გაახარეთ მოულოდნელი საჩუქრით და ეს თქვენც განწყობას აგიმაღლებთ.

მორიელი

ხელსაყრელი დღეა კონფლიქტების მოგვარებისა და შერიგებისთვის. სავარაუდოდ, მოგებიანი გარიგებების დადებას და მოკავშირეების პოვნას შეძლებთ. ასევე შეიძლება ძველ პარტნიორებთან ურთიერთობა აღადგინოთ.

ახალი ნაცნობობა თქვენს ცხოვრებას საგრძნობლად შეცვლის, თუმცა ურთიერთობა ისე არ განვითარდება, როგორც ელით.

მშვილდოსანი

ამ დღეს გარშემომყოფები თქვენ მიმართ კრიტიკულად არიან განწყობილნი, ამიტომ ეცადეთ, ურთიერთობა მინიმუმამდე შეამციროთ. ყველაფერი გააკეთეთ იმისთვის, რომ ვერავინ ვერაფერში მოგედავოთ. განსაკუთრებით მოერიდეთ ახალი იდეებისა და ინიციატივების წარდგენას, რათა თავზე საყოველთაო რისხვა არ დაიტეხოთ.

თხის რქა

ამ დღეს საშუალება გექნებათ, პრიორიტეტები დასახოთ და საჭირო კავშირები დაამყაროთ. ამ დღეს დაწყებული თანამშრომლობა ნაყოფიერი იქნება და მოგების გარდა, ღირებულ გამოცდილებასაც მოგიტანთ.

ოჯახში ურთიერთგაგება სუფევს, ამიტომ უთანხმოება და კონფლიქტები მოსალოდნელი არ არის. შეყვარებულ თხის რქებს ახლა ყველაზე მეტად გარემოს შეცვლა და განტვირთვა სჭირდებათ.

მერწყული

ხელსაყრელი დღეა ურთიერთობისთვის – საქმიანი მოლაპარაკებების, მეგობრული შეხვედრებისა და რომანტიკული პაემნებისთვის. პირად ცხოვრებაში სასიკეთო ცვლილებებია მოსალოდნელი, უბრალოდ ინიციატივა უნდა გამოიჩინოთ. მარტოხელა მერწყულს საინტერესო ნაცნობობა ელის.

თუ სახლში დარჩით, ეცადეთ არ მოიწყინოთ, მით უმეტეს, რომ ოპტიმიზმის უამრავი მიზეზი გაქვთ.

თევზები

სირთულეებით სავსე დღეა, მაგრამ ყველაფერს გაუმკლავდებით. მთავარია, საკუთარ სურვილებში გაერკვეთ და მოლოდინებსა და შიშებს მოერიოთ. ეცადეთ, საკუთარ თავთან გულწრფელი იყოთ – ეს პრობლემებთან გამკლავებაში დაგეხმარებათ.

ბოლოს და ბოლოს, შეძლებთ ურთიერთობის დამყარებას, რომელსაც დიდი ხანი ვერ ახერხებდით. ბევრი თევზი საყვარელ ადამიანთან ურთიერთობაში დაძაბულობის პერიოდის დასრულებას შეძლებს.