ვერძი
უსარგებლო საუბრებზე დროს ნუ დაკარგავთ. ახლა მთელი ყურადღება სამუშაოზე უნდა გადაიტანოთ და ყველა მნიშვნელოვანი საქმე დროულად დაასრულოთ. ახლობელ ადამიანებს თქვენი რჩევა და დახმარება დასჭირდებათ, ამიტომ საეჭვოა, რომ განმარტოება და დასვენება შეძლოთ. სამაგიეროდ, თქვენი შრომა და მონდომება ღირსეულად დაფასდება.
კურო
სიახლემ, რომელსაც ამ დღეს გაიგებთ, შესაძლოა ძალიან გაგახაროთ და გაგამხნეოთ, მაგრამ ვარსკვლავები გირჩევენ, ყველაფერი არ დაიჯეროთ. ზოგადად, სანამ მიღებულ ინფორმაციას გამოიყენებთ, კარგად უნდა გადაამოწმოთ, რადგან შესაძლოა, ვიღაც თქვენს მოტყუებას ცდილობს. ორი კურდღლის დევნას სჯობია, ერთი საქმე აირჩიოთ და ბოლომდე მიიყვანოთ.
ტყუპები
ვარსკვლავები გირჩევენ, რომ ამ დღეს საკუთარი აზრის გამოთქმისა და სიმართლის მტკიცებისგან თავი შეიკავოთ. ეცადეთ, პირადი ურთიერთობები მაქსიმალურად შეზღუდოთ და მხოლოდ სამსახურის საქმეებზე იკონტაქტოთ. მშვიდად და აუჩქარებლად იმოქმედეთ. ახალი კრედიტის ან ვალის აღებას მოერიდოთ. ახლა ამისთვის არახელსაყრელი გარემოებებია.
კირჩხიბი
ამ დღეს ცნობისმოყვარეობა უნდა გამოიჩინოთ და მოვლენების ცენტრში იტრიალოთ, რათა არაფერი გამოგრჩეთ. შესაძლოა სწორედ ამ დღეს გაიგოთ მნიშვნელოვანი ამბავი, რომელიც თქვენს ცხოვრებას შეცვლის, მაგრამ არც წონასწორობის გრძნობა და სიფრთხილე დაივიწყოთ.
ლომი
ეცადეთ საკუთარ თავს დილიდან კარგი და მხიარული განწყობა შეუქმნათ – საქმეში წარმატება დიდწილად ამაზე იქნება დამოკიდებული. თქვენი გარემოცვიდან ვიღაც თქვენს მოტყუებას ცდილობს, ამიტომ ნებისმიერ ახალ ინფორმაციას კრიტიკულად უნდა მოეკიდოთ.
ქალწული
სიახლეებისა და ექსპერიმენტებისთვის არახელსაყრელი დღეა. ვარსკვლავები გირჩევენ, რომ სამუშაოს შეცვლაზე და ახალი პროექტების დაწყებაზე უარი თქვათ. თქვენი იმედები არ გამართლდება და დროს ტყუილად დაკარგავთ. ამ დღეს ახლობლებს თქვენი ყურადღება სჭირდებათ, ამიტომ ეცადეთ, მათთან მეტი დრო გაატაროთ.
სასწორი
მხოლოდ საკუთარი ინტუიცია გიკარნახებთ, რა სამუშაო უნდა აირჩიოთ, რათა შემოსავალი მიიღოთ და მიზანს კიდევ ერთი ნაბიჯით მიუახლოვდეთ. წინააღმდეგ შემთხვევაში, შეცდომას დაუშვებთ და შედეგიც იმედს გაგიცრუებთ. კარგი იქნება, პროფილაქტიკური მკურნალობის ან ვარჯიშისთვისაც მოიცალოთ.
მორიელი
ამ დღეს ყველაზე მნიშვნელოვანი ფულის დაზოგვის საკითხი იქნება. გირჩევთ, ოჯახურ ბიუჯეტში ცვლილებები შეიტანოთ. სამსახურში ნაკლები იაქტიურეთ, თუ არ გინდათ, რომ ზედმეტად რთული საქმე დაგავალონ. მოულოდნელმა სირთულეებმა არ უნდა შეგაშინოთ. ეცადეთ, მომხდარს იუმორით შეხედოთ და ხელსაყრელი შესაძლებლობები მოძებნოთ.
მშვილდოსანი
უმჯობესია, შეთავაზებაზე უარი თქვათ, თუნდაც ძალიან მაცდური მოგეჩვენოთ. რომელიღაც ახლობელი ადამიანი თქვენით მანიპულირებას და თქვენი შესაძლებლობებით სარგებლობას ცდილობს. 12 იანვარი კარგი დღეა დაწყებული საქმეების დასრულებისთვის. ვარსკვლავები ამბობენ, რომ გარემოებათა ხელსაყრელი განვითარება წარმატების მიღწევაში დაგეხმარებათ. პირად ურთიერთობებში გადაწყვეტილებების სწრაფად მიღება და იმპროვიზაცია მოგიწევთ.
თხის რქა
ახალ ადამიანებთან შეხვედრამ ან ახალი საქმის დაწყებამ შეიძლება ბევრი პრობლემა მოგიტანოთ, ამიტომ ეს დღე მშვიდად, კარგად ნაცნობი საქმის კეთებაში უნდა გაატაროთ. მცირე შოპინგი ან მხიარულ ადამიანებთან ურთიერთობა სტესისგან გაგათავისუფლებთ.
მერწყული
ამ დღეს თქვენი აზრები თქვენთვის უნდა შეინახოთ. უფროსებთან საუბარში თავშეკავება პრობლემებს თავიდან აგაცილებთ და კარგი ურთიერთობების შენარჩუნებაში დაგეხმარებათ. ამ დღეს თქვენი ემოციური მდგომარეობა დამოკიდებულია გარემოზე და სიტუაციაზე, რომელშიც აღმოჩნდებით. შეეცადეთ, წვრილმანებზე ნაკლები ინერვიულოთ და ადამიანების მიმართ პოზიტიური დამოკიდებულება შეინარჩუნოთ.
თევზები
მოერიდეთ დაპირებების გაცემას, რადგან შესაძლოა, პირობა ვერ შეასრულოთ და ურთიერთობები დააზიანოთ. ამ დღეს მხოლოდ საკუთარი თავის იმედი უნდა გქონდეთ და მთელი ყურადღება საკუთარ საჭიროებებზე უნდა გადაიტანოთ. ნურც სამომავლოდ გადადებულ საქმეებს დაივიწყებთ და დაასრულეთ ის, რაც დიდი ხნის წინ უნდა დაგესრულებინათ.
