ზუგდიდში, 26 მაისის ღონისძიებები ეროვნული გმირების პარკში, საქართველოს ეროვნული გმირის, სოხუმის ყოფილი მერის, გურამ გაბესკირიას ბიუსტის გახსნით დაიწყო.
ეროვნული გმირების პარკში უკვე განთავსებულია მერაბ კოსტავას, ჟიული შარტავას, გენო ადამიას, მამია ალასანიას და 1924 წლის აჯანყებულთა ბიუსტები და მემორიალები.
ეროვნული გმირების ბიუსტები, სამეგრელო-ზემო სვანეთის სახელმწიფო რწმუნებულმა, ზუგდიდის დელეგატმა, მუნიციპალიტეტის მერმა, განათლების, მეცნიერების და ახალგაზრდობის მინისტრის მოადგილეებმა და აფხაზეთის მთავრობის მინისტრთა კაბინეტის წევრებმა გვირგვინებით შეამკეს. ხელისუფლების წარმომადგენლებმა, ასევე გვირგვინით შეამკეს, ზუგდიდის ცენტრალურ ბულვარში მდებარე საქართველოს პირველი პრეზიდენტის, ეროვნული გმირის, ზვიად გამსახურდიას ბიუსტი.
დღესვე ეროვნული გმირების პარკში საქართველოს სახელმწიფო დროშის აღმართვის ცერემონია გაიმართა. პარკში სამომავლოდ დაგეგმილია სხვა ეროვნული გმირების ბიუსტების განთავსება.
