“ზელენსკის ვეტყოდი, კმარა – პუტინს ვეტყოდი – თუ შეთანხმებას არ დადებ, უკრაინას უფრო მეტად დავეხმარებით”

აშშ-ის ყოფილმა პრეზიდენტმა, დონალდ ტრამპმა კიდევ ერთხელ განაცხადა, რომ საპრეზიდენტო არჩევნებში გამარჯვების შემთხვევაში უკრაინაში კონფლიქტს 24 საათში დაასრულებს.

მისი თქმით, ძალიან კარგად იცნობს უკრაინის პრეზიდენტს, ვოლოდიმირ ზელენსკის და რუსეთის პრეზიდენტს, ვლადიმერ პუტინს. ტრამპის მტკიცებით, ზელენსკისთან საუბარში კონფლიქტს ერთი ფრაზით დაასრულებს: „მე ვეტყოდი ზელენსკის: “კმარა, შეთანხმება უნდა დადო”.

ამასთან, ტრამპის განცხადებით, ვლადიმერ პუტინს ეტყოდა, რომ თუ მოსკოვი შეთანხმების გაფორმებას არ დასთანხმდება, მაშინ ვაშინგტონი კიდევ უფრო მეტ დახმარებას გაუწევს კიევს.

„მე ვეტყოდი პუტინს, თუ არ დადებ შეთანხმებას, ჩვენ მას ბევრს მივცემთ. მივცეთ უკრაინას იმაზე მეტს, ვიდრე ოდესმე მიუღია. შეთანხმებას ერთ დღეში დავდებ, ერთ დღეში“, – აღნიშნა ტრამპმა.