საპარლამენტო უმრავლესობის ლიდერი, მამუკა მდინარაძე გიორგი მიქაუტაძეს ოქროს ბუცის მოპოვებას ულოცავს.
“ვულოცავ საქართველოს, მის ეროვნულ ნაკრებს, გიორგი მიქაუტაძეს და ნაკრების თითოეულ წევრს! ისტორია დაწერილია!!” – წერს მამუკა მდინარაძე.
გიორგი მიქაუტაძე EURO 2024-ის თანაბომბარდირი და “ოქროს ბუცის” მფლობელი გახდა. UEFA-ს გადაწყვეტილებით, თუ ფინალის შემდეგ ტურნირის საუკეთესო ბომბარდირი არ გამოვლინდებოდა, “ოქროს ბუცი” ჯილდოს სახით, ყველა იმ ფეხბურთელს გადაეცემოდა, რომლებსაც გატანილი გოლების თანაბარი რაოდენობა ექნებოდა.
