2027 წლის კალათბურთში მსოფლიოს ჩემპიონატის პირველ შესარჩევ ეტაპზე საქართველოს ეროვნული ნაკრების მეტოქეები იქნებიან: ესპანეთი, უკრაინა/შვეიცარია/სლოვაკეთის პრე-საკვალიფიკაციო ჯგუფის გამარჯვებული და ხორვატია/დანია/ნორვეგიის პრე-საკვალიფიკაციო ჯგუფის მეორეადგილოსანი.
მსოფლიოს ჩემპიონატზე ზედიზედ მეორედ გასასვლელად საქართველოს ორი საკვალიფიკაციო ეტაპის დაძლევა მოუწევს. პირველი ჯგუფიდან შემდგომ ეტაპზე 3 საუკეთესო ნაკრები გავა და მეწყვილე B ჯგუფის 3 საუკეთესოს დაუპირისპირდება. B ჯგუფში მოხვდნენ: საბერძნეთი, მონტენეგრო, პორტუგალია და ჩრდ.მაკედონია/უნგრეთი/რუმინეთის პრე-საკვალიფიკაციო ჯგუფის გამარჯვებული.
საბოლოო ჯამში, მსოფლიოს ჩემპიონატზე მეორე საკვალიფიკაციო ეტაპის ჯგუფის 3 საუკეთესო გუნდი გავა. სწორედ ეს გზა გაიარა საქართველოს ნაკრებმა 2021-2023 წლებში, როცა პირველად, ისტორიაში გავიდა მსოფლიოზე და იაპონიაში გამართული ტურნირის 16 საუკეთესო გუნდში მოხვდა.
პირველი ეტაპის 6 მატჩისთვის 3 სათამაშო ფანჯარა იქნება გამოყოფილი, რომელიც 2025 წლის ნოემბერში დაიწყება და 2026 წლის ივლისში დასრულდება. მეორე ეტაპის თამაშები კი 2026 წლის აგვისტოში დაიწყება, ნოემბერში გაგრძელდება და 2027 წლის თებერვალში დასრულდება.
https://www.facebook.com/photo.php?fbid=1092842509534888&set=a.628713469281130&type=3&ref=embed_post
