უკრაინის პრემიერ-მინისტრმა, დენის შმიგალმა განაცხადა, რომ უკრაინის ომისშემდგომ აღდგენას დაახლოებით 500 მილიარდი ევრო დასჭირდება.
„უკრაინის აღდგენა შესაძლოა ევროპის Magnum opus-ი (უდიდესი ნამუშევარი) გახდეს – მომდევნო წლების განმავლობაში მთავარი ამოცანა“, – აღნიშნა უკრაინის მთავრობის მეთაურმა.
დენის შმიგალის აზრით, უკრაინის ომისშემდგომი აღდგენის ერთ-ერთ ძირითად ფინანსურ რესურსს უნდა წარმოადგენდეს რუსეთის გაყინული აქტივები.
„უკვე დადგა დრო, რომ ამ აქტივების კონფისკაცია მოხდეს“, – განაცხადა უკრაინის პრემიერ-მინისტრმა და დასძინა, რომ „სამართლებრივი საფუძვლის საბოლოოდ ჩამოყალიბების დროა“.
