უკრაინის უმაღლესმა რადამ საომარი მდგომარეობისა და საყოველთაო მობილიზაციის კიდევ 90 დღით გახანგრძლივებას მხარი დაუჭირა.
ამგვარად, საომარი მდგომარეობა და მობილიზაცია უკრაინაში 2023 წლის 15 ნოემბრამდე გახანგრძლივდა.
უკრაინული მედიის ცნობით, შესაბამის დადგენილებას რადას 347-მა წევრმა მისცა ხმა. აღნიშნული ინიციატივა საკანონმდებლო ორგანოს პრეზიდენტმა ვოლოდიმირ ზელენსკიმ წარუდგინა.
უკრაინის პარლამენტმა საომარი მდგომარეობა ქვეყანაში რუსეთის მიერ ფართომასშტაბიანი ომის დაწყების შემდეგ უკვე მერვედ გაახანგრძლივა.
