რუსეთის პრეზიდენტის, ვლადიმერ პუტინის გადაწყვეტილება 30-დღიანი ცეცხლის შეწყვეტის შესახებ ეხება მხოლოდ უკრაინულ ენერგეტიკულ ობიექტებს და არა სხვა სახის ინფრასტრუქტურას, – განაცხადა კრემლის პრესმდივანმა, დიმიტრი პესკოვმა.
როგორც პესკოვმა აღნიშნა, პუტინმა გუშინვე, აშშ-ის პრეზიდენტთან, დონალდ ტრამპთან საუბრის დასრულების შემდეგ უკრაინის ენერგოობიექტებზე იერიშების შეჩერების ბრძანება გასცა და ის არ გაუუქმებია.
ცნობისთვის, გუშინ აშშ-ის პრეზიდენტმა, დონალდ ტრამპმა და რუსეთის ლიდერმა, ვლადიმერ პუტინმა სატელეფონო საუბარი გამართეს. ტრამპმა პუტინს 30 დღის მანძილზე უკრაინის ენერგეტიკულ ობიექტებზე თავდასხმებისგან თავის შეკავება შესთავაზა. პუტინი ამ იდეას დათანხმდა.
