თავდაცვის საკითხებში ევროკომისარი ანდრიუს კუბილიუსის განცხადება, პოლიტიკური შეფასებების საგანი გახდა. კუბილიუსმა რუსულ საფრთხეებსა და ომზე საუბრის დროს თქვა, რომ თუ უკრაინაში მშვიდობა დამყარდება ან ცეცხლი შეწყდება, რუსები გააგრძელებენ იარაღის წარმოებას და ახალ საფრთხეს შეუქმნიან ევროპას.
მისივე თქმით, მშვიდობა უკრაინაში მნიშვნელოვანია, მაგრამ ეს არ ნიშნავს იმას, რომ რუსეთი სამომავლოდ აგრესიას შეწყვეტს.
“თუ უკრაინაში მშვიდობა ან ცეცხლის შეწყვეტა დამყარდება, რუსები გააგრძელებენ იარაღის წარმოებას, დაგროვებას ისეთი რაოდენობით, რაც საშუალებას მისცემს, დაიწყონ ახალი აგრესია. ეს ნიშნავს, რომ გრძელვადიანი ცეცხლის შეწყვეტა ევროკავშირზე სრულმასშტაბიან თავდასხმას დააახლოებს. რა თქმა უნდა, მშვიდობა უკრაინისთვის ძალიან მნიშვნელოვანია, და ჩვენ მას მაქსიმალურად ვუჭერთ მხარს. მაგრამ ჩვენ უნდა ვიყოთ უაღრესად რეალისტურები, რომ უკრაინაში მშვიდობა არ ნიშნავს იმას, რომ რუსეთი შეწყვეტს შემდგომი აგრესიის დანერგვას,” – აღნიშნა კუბილიუსმა.
