უკრაინაში მიმდინარე ომს კიდევ ერთი ქართველი მებრძოლი, აფხაზეთიდან დევნილი ზური მუშუქია შეეწირა. სამხედრო პირის გარდაცვალების ფაქტს ოჯახი ადასტურებს. ზური მუშუქიას ოჯახი ზუგდიდში, დევნილთა დასახლებაში ცხოვრობს. ოჯახის ინფორმაციით, მებრძოლი უკრაინაში 2014 წლიდან იმყოფებოდა და უკრაინის შეიარაღებულ ძალების ერთ-ერთ ბატალიონში მსახურობდა. მათივე ცნობით, მებრძოლი ბოგდანოვკაში, სამხედრო აფეთქების დროს სასიკვდილოდ დაიჭრა და მისი გადარჩენა ვერ მოხერხდა. ზური მუშუქია აფხაზეთის ომში მონაწილეობდა.
