“უკრაინას ნატოსა და სხვა მოკავშირეების მხრიდან მეტი დახმარება სჭირდება” – იენს სტოლტენბერგი

უკრაინას ნატოსა და სხვა მოკავშირეების მხრიდან მეტი დახმარება სჭირდება, ვინაიდან ბრძოლის ველზე მძიმე ვითარებაა – უკრაინული მედიის ცნობით, ამის შესახებ ნატოს გენერალურმა მდივანმა, იენს სტოლტენბერგმა განაცხადა.

მისივე თქმით, უკრაინამ უნდა შეინარჩუნოს სუვერენული ქვეყნის სტატუსი, ამიტომ ნატოს ინტერესებშია უკრაინის სათანადო დახმარება. მისივე განცხადებით, მსოფლიომ არ უნდა დაუშვას, რომ პუტინმა გაიმარჯვოს.

„ბრძოლის ველზე მძიმე ვითარებაა და ამიტომ კიდევ უფრო მნიშვნელოვანია, რომ შევინარჩუნოთ და გავზარდოთ ჩვენი დახმარება უკრაინის მიმართ“, – აღნიშნა ნატოს გენერალურმა მდივანმა.