უკრაინის სამხედრო ხელმძღვანელობა ახალ საჯარისო ბრიგადებს ქმნის, თუმცა მათ აღჭურვას გაჭიანურებული დასავლური დახმარების ფონზე ვერ ახერხებს.
ამის შესახებ ომის შესწავლის ამერიკული ინსტიტუტი (ISW) წერს.
„დასავლეთის დროული და ადეკვატური დახმარება უსაფრთხოების სფეროში ერთ-ერთ გარდამტეხ ფაქტორად რჩება, რაზეც დამოკიდებულია თუ როდის და რა მასშტაბით შეძლებენ უკრაინული ძალები ბრძოლის ველზე ინიციატივის ხელში ჩაგდებას და მომავალში კონტრშეტევით ოპერაციებს განახორციელებენ“, – აღნიშნულია სტატიაში.
სტატიის თანახმად, უკრაინას არ აქვს დრო ახალი ბრიგადების აღჭურვისთვის დასავლურ დახმარებას დაელოდოს. როგორც ომის შესწავლის ამერიკული ინსტიტუტის ექსპერტები აღნიშნავენ, ბოლო პერიოდში რუსულმა ჯარმა ჩასივ-იარის აღმოსავლეთით, ტორეცკის მიმართულებით და ავდიივკის რაიონში წინ წაიწია, ხოლო უკრაინულმა შენაერთებმა წარმატებას ვოლჩანსკის, კრემენაიას მიდამოებში და ჩასივ-იარის სამხრეთ-აღმოსავლეთში მიაღწიეს.
