უკრაინის თავდაცვის სამინისტროს დაზვერვის მთავარი სამმართველოს ცნობით, უკრაინამ საზღვაო დრონის საშუალებით რუსული სამხედრო ვერტმფრენი პირველად გაანადგურა. ინფორმაციას უკრაინული მედია ავრცელებს.
უწყების განცხადებაში ნათქვამია, რომ უკრაინული დრონი Magura V5 იყო და ის საბრძოლო რაკეტით იყო აღჭურვილი. რუსული სამხედრო ვერტმფრენი Mi-8 უკრაინამ შავ ზღვაში ანექსირებული ყირიმის სიახლოვეს ჩამოაგდო.
უკრაინამ ასევე ცეცხლი გაუხსნა ოკუპანტის კიდევ ერთ ვერტმფრენს, რომელიც დაზიანდა, თუმცა დისლოკაციის ადგილამდე მიფრენა შეძლო.
