შშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა სოციალურ ქსელში გამოაქვეყნა წერილი, რომელშიც უკრაინის პრეზიდენტი ვოლოდიმირ ზელენსკი მასთან შეხვედრას ითხოვს.
„ჩვენ უკრაინაში ყველას გვსურს დავასრულოთ ეს ომი სამართლიანი მშვიდობით. ჩვენ ვიცით, რომ ამერიკის გარეშე ეს შეუძლებელია. ზუსტად ამიტომ ჩვენ უნდა შევეცადოთ გავუგოთ ერთმანეთს და მჭიდრო კონტაქტში ვიყოთ. რამდენიმე დღის წინ ჩვენ შეხვედრა გთხოვეთ, მე მსურს უშუალოდ თქვენგან გავიგო თქვენი მოსაზრება“, – წერს ზელენსკი.
„თქვენ იცით, რომ მე ყოველთვის დიდი პატივისცემით ვეპყრობი ყველაფერს, რაც თქვენთან არის დაკავშირებული, და ასეც უნდა იყოს. მე ნიუ-იორკში პარასკევს ვიქნები, და ეს ჩვენი შეხვედრისთვის კარგი დრო იქნებოდა“, – აგრძელებს უკრაინის პრეზიდენტი.
ზელენსკი წერილში პირადი კონტაქტების არსებობის მნიშვნელობაზე საუბრობს. „მითხარით, თუ ამ დროს ქალაქში იქნებით. ძალიან მინდა, რომ ჩვენი შეხვედრა შედგეს, როგორც ჩვენი ძალისხმევის ნაწილი, რომელიც მიმართულია იქითკენ, რომ ეს ომი სამართლიანი გზით დავასრულოთ“, – დასძინა მან.
ტრამპს წერილი აშშ-ში უკრაინის საელჩოს მისიის ხელმძღვანელის მოადგილემ დენის სიენიკმა გადასცა.
