აშშ-ის პრეზიდენტი, დონალდ ტრამპი შიდა საუბრებში აცხადებს, რომ ილონ მასკი მის გუნდს უახლოეს კვირებში დატოვებს. ინფორმაციას Politico ავრცელებს.
გავრცელებული ინფორმაციით, ტრამპი კმაყოფილია მასკით და მისი მთავრობის ეფექტიანობის დეპარტამენტით, თუმცა უკვე შეთანხმებულია, რომ ის თავის ბიზნესს დაუბრუნდება.
Politico-ს მიერ გავრცელებულ ინფორმაციას „სისულელე“ უწოდა თეთრი სახლის პრესმდივანმა, კეროლაინ ლევიტმა. მან სოციალურ ქსელში დაწერა, რომ მასკი თანამდებობას მას შემდეგ დატოვებს, რაც მისი სამუშაო დასრულდება.
