ამერიკის არჩეული პრეზიდენტი, დონალდ ტრამპი, ინაუგურაციიდან 24 საათის შემდეგ, მთელი ქვეყნის მასშტაბით მასობრივ დეპორტაციას გეგმავს. ამის შესახებ dailymail-ი წერს.
ტრამპის ადმინისტრაცია ფართომასშტაბიანი რეიდის განხორციელებას, ჩიკაგოში დაიწყებს. თუმცა, ტომ ჰომენი, რომელიც დონალდ ტრამპის ადმინისტრაციაში ე.წ. საზღვრის მეფის თანამდებობას დაიკავებს, აცხადებს, რომ აშშ-ის საიმიგრაციო და საბაჟო აღსრულების სააგენტო მთელი ქვეყნის მასშტაბით იმუშავებს.
“ჩვენ ვაპირებთ ოპერაციების ჩატარებას მთელი ქვეყნის მასშტაბით,” – განაცხადა მან.
სიაში პირველი ჩიკაგოა, სადაც 2022 წლის აგვისტოდან მოყოლებული, 50 000-ზე მეტმა მიგრანტმა მოიყარა თავი.
აშშ-ის საიმიგრაციო და საბაჟო აღსრულების სააგენტო, აღნიშნული სამუშაოს ჩასატარებლად, 100-200 ოფიცერს გაგზავნის.
