“თვის ტროლის” ჯილდო ამჯერადაც უცილობოდ გადაეცემათ ქართველ “ტროლებს” – ვიოლა ფონ კრამონი

ევროპარლამენტარი ვიოლა ფონ კრამონი, სოციალურ ქსელ “ტვიტერში” მის შესახებ გავრცელებულ  “ფეიკ” ინფორმაციებს პასუხობს.

ევროპარლამენტარი, სპეციალურ  ვიდეოსაც ავრცელებს, სადაც   ამბობს, მის შესახებ გავრცელებული „ფეიკ“ ინფორმაციისა და ვიდეოს უკან, სავარაუდოდ, მმართველი პარტია და მისი მხარდამჭერები დგანან.

„მომილოცავს, „თვის ტროლის“ ჯილდო ამჯერადაც უცილობოდ გადაეცემათ ქართველ „ტროლებს“, მათ რუს ტროლებსაც კი აჯობეს. რატომ? მათ მე ჰერმან გიორინგის შესაძლო ნათესავად გამამწესეს. მსგავსი აზრი მხოლოდ მათ მოუვათ თავში, ვინც ჩემი ქალიშვილობის გვარის „გერინგის“ რუსულ თარგმანს აიღებს. „გერინგი და „გიორინგი“ კირილიცათი ერთნაირად იწერება, ლათინურ დამწერლობაში კი ამ ორ გვარს არაფერი აქვს საერთო. ისევე, როგორც, საბედნიეროდ, არც მე მაკავშირებს რაიმე ნაცისტ პოლიტიკოსსა და ომის დამნაშავე ჰერმან გიორინგთან.

მეორე „ფეიკი“ კიდევ უფრო აბსურდული და უხერხული იყო – ნასვამი ქალი (ბრიტანულ) ქორწილში. სიამოვნებით წავიდოდი ქართულ ქორწილში, მაგრამ ჯერ არავის დავუპატიჟებივარ. ამ ქალბატონთანაც არაფერი მაქვს საერთო. ეს კლასიკური ე.წ. „დიფ-ფეიკ“ ვიდეო იყო.

საინტერესო გარემოებაა, რომ ეს „ფეიკი“ ძირითადად მმართველი ფრაქციის მხარდამჭერების მიერ იქნა გაზიარებული. საფიქრებელია, რომ სავარაუდო დამკვეთიც აქ უნდა ვეძებოთ. ვფიქრობ, უმჯობესია ღია პოლიტიკური დისკუსიების გამართვა, შეთითხნილი ვიდეოების გავრცელების ნაცვლად. მადლობა ღმერთს, რომ არსებობენ დამოუკიდებელი „ფაქტ ჩექერები“, ამ კონკრეტულ შემთხვევაში Myth Detector-ი, რომელმაც ეს სისულელე გამოააშკარავა. მადლობა მათ და მომავალშიც მზად ვარ ვითანამშრომლო“, – წერს  ევროპარლამენტარი.

🧵1/3
🇷🇺Kremlin-style #disinformation in 🇬🇪#Gerogia started ridiculous smearing against me. As a @EP_Democracy Rapporteur 4 @GreensEFA, I know perfectly that combating #disinfo would be impossible without independent fact-checkers. Thanks to @MythDetector for uncovering. More👇 pic.twitter.com/3gA13Ayw3y

— Viola von Cramon 🇺🇦🇪🇺🇮🇱 (@ViolavonCramon) April 26, 2023