თურქეთის პარლამენტის წევრები ერთმანეთს ფიზიკურად დაუპირისპირდნენ. როგორც The Guardian წერს, ხელჩართული ჩხუბი ათობით დეპუტატს შორის ნახევარი საათის განმავლობაში გაგრძელდა.
არსებული ცნობით, დაპირისპირებას წინ უძღოდა პატიმრობაში მყოფი ოპოზიციონერი დეპუტატის გამო დაწყებული სიტყვიერი დაპირისპირება, რომელსაც მიმდინარე წელს, საპარლამენტო იმუნიტეტი მოუხსნეს.
„30 წუთიანი ხმაურიანი გარჩევა, რომლის შედეგადაც სულ მცირე ორმა კანონმდებელმა მიიღო დაზიანებები, სხდომის შეჩერების საფუძველი გახდა. საბოლოოდ, დეპუტატები დაუბრუნდნენ ხმის მიცემის პროცესს, რომელზეც უარყოფილ იქნა ოპოზიციის წინადადება ადვოკატ და უფლებადამცველ ქენ ატალაისთვის საპარლამენტო მანდატის აღდგენის თაობაზე“, – ნათქვამია ინფორმაციაში.
ცნობისთვის, ქენ ატალაიმ სადეპუტატო მანდატი გასულ წელს, საპატიმროდან წამოებული აგიტაციის შედეგად მიიღო.
