თურქეთის პარლამენტმა შვედეთის ნატოში გაწევრიანების რატიფიცირება მოახდინა. ამის შესახებ ინფორმაციას შვედეთის საზოგადოებრივი მაუწყებელი SVT-ი ავრცელებს.
ინფორმაციაში აღნიშნულია, რომ 23 იანვარს რამდენიმე საათიანი დებატების შემდეგ თურქეთის დიდმა ეროვნულმა ასამბლეამ (პარლამენტმა) შვედეთის ჩრდილოატლანტიკურ ალიანში გაწევრიანების შესახებ პროტოკოლის რატიფიცირება მოახდინა.
თურქეთის პარლამენტის 364 დეპუტატიდან შვედეთის ჩრდილოატლანტიკურ ალიანსში გაწევრიანებას 287-მა დაუჭირა მხარი, 35 წინააღმდეგ წავიდა, ხოლო დანარჩენებმა თავი შეიკავეს.
ახლა, შვედეთის გაწევრიანების შესახებ პროტოკოლის საბოლოო რატიფიცირებისთვის საბუთს თურქეთის პრეზიდენტის, რეჯეფ თაიფ ერდოღანის ხელმოწერა სჭირდება.
აღინიშნება, რომ ეს ფორმალური ნაბიჯია, თუმცა პროცესის თარიღი ამ მომენტისთვის უცნობია. ამ მომენტისთვის, თურქეთის გარდა ნატოში შვედეთის გაწევრიანების რატიფიცირება მხოლოდ ერთმა ქვეყანამ – უნგრეთმა – არ მოახდინა, რომლის ოფიციალურმა პირებმა რამდენჯერმე დადეს პირობა, რომ ბუდაპეშტი ამ პროცესში “ბოლო არ იქნება”.
