“ქართული ოცნების” წევრის, არჩილ გორდულაძის განცხადებით, თუ ჰერჩინსკი ზურაბიშვილის ქარტიას მხარს უჭერს, ეს კიდევ ერთი ფაქტია საქართველოს შიდა საქმეებში ჩარევის.
გორდულაძის თქმით, საკითხავია ევროკავშირის წევრი 27-ვე ქვეყანა ისე ფიქრობს, როგორც ბატონი ჰერჩინსკი საუბრობს თუ არა.
“სალომე ზურაბიშვილმა თქვა, თურმე, ევროკავშირის ელჩის ემხრობა იმ ქარტიას, რომელიც ჩვენი ქვეყნის სუვერენიტეტის თავზე ჩამოქცევას გულისხმობს და ქართველ ხალხს შეურაცხყოფას აყენებს. თურმე ქართველ ხალხს არ შეუძლია აირჩიოს ხელისუფლება, ძალა რომელიც ჩვენ ქვეყანას წინ წაუძღვება. ამ ყველაფერს თუ ეთანხმება, მათ შორის, ჰერჩინსკიც ეს ძალიან სამწუხაროა. ეს კიდევ ერთი ფაქტია ჩვენი ქვეყნის შიდა საქმეებში ჩარევის. ისევე მიუღებელია ჩვენი ქვეყნის და ჩვენი ხალხისთვის, როგორც მიუღებელი იქნებოდა იმ 27-ვე ქვეყანაში, რომლის სახელითაც საუბრობს ჰერჩინსკი. ისიც საკითხავია 27-ვე ქვეყანა ისე ფიქრობს, როგორც ბატონი ჰერჩინსკი საუბრობს თუ არა”, – განაცხადა არჩილ გორდულაძემ.
