თეთრ სახლს მეტი სტენოგრაფისტის აყვანა სურს, რადგან ტრამპი ძალიან ბევრს საუბრობს.
ინფორმაციას ამის შესახენ სააგენტო The Associated Press-ი ავრცელებს.
სტატიაში აღნიშნულია, რომ თეთრი სახლის თანამშრომლები, რომლებიც პასუხისმგებელნი არიან დონალდ ტრამპის საჯარო გამოსვლების სტენოგრაფირებაზე, ვერ უმკლავდებიან სამუშაოს შესრულებას, რადგან აშშ-ის ახალი პრეზიდენტი ძალიან ბევრს საუბრობს.
თანამდებობაზე ყოფნის პირველი კვირის განმავლობაში ტრამპმა ისაუბრა თითქმის 7 საათი და 44 წუთი და გამოიყენა 81 235 სიტყვა.
ეს ბევრად მეტია, ვიდრე ჯო ბაიდენმა ისაუბრა აშშ-ის პრეზიდენტის პირველ კვირაში – 2 საათი და 36 წუთი და 24 259 სიტყვა.
