21 ივნისს, კონსერვატორიის დიდ დარბაზში, ბავშვთა და ახალგაზრდული გუნდების საფესტივალო კონცერტები გაიმართება. 14:00 სთ-ზე გასული წლის მონაწილე – თბილისის 10 ახალგაზრდული გუნდი წარდგება მაყურებლის წინაშე, ხოლო 19:00 სთ-ზე წლევანდელი წლის 10 გუნდის დაჯილდოების ცერემონია – კონცერტი გაიმართება.
2022 წელს თბილისის საკრებულოსა და მერიის თანადგომით თბილისის ბავშვთა და ახალგაზრდული გუნდების ფოლკლორული ფესტივალი დაარსდა, რომელმაც 700 მდე მოზარდი (პირველ წელს საბავშვო ანსამბლები მონაწილეობდნენ) ქართული ხალხური სიმღერისა და გალობის შესასრულებლად ქარვასლის დიდ დარბაზში გააერთიანა.
ფესტივალის დააარსების მიზანი, თბილისში არსებული დამოუკიდებელი (კერძო და არა სახელმწიფო დაფინანსების ქვეშ მყოფი) შემოქმედებითი კოლექტივებს ხელშეწყობა და მათი წახალისება იყო.
სამი წლის მანძილზე ფესტივალის ფარგლებში მონაწილეობა მიიღო 1000 ზე მეტმა მუსიკოს შემსრულებელმა.
ფესტივალის მონაწილეებს პროფესიონალი მუსიკოსებით დაკომპლექტებული ჟიური აფასებს, რომელიც მონაწილეებს საკუთარ მოსაზრებასა და პროფესიულ რჩევას კონცერტის მსვლელობისას უზიარებს.
ფესტივალის ფარგლებში თითოეულ ახალ მონაწილე მუსიკალურ ჯგუფზე მცირე დოკუმენტური სიუჟეტი იქნება გადაღებული.
უკვე გამოცხადდა მიღება მომავალი წლის ფესტივალის მონაწილეებისთვის, რომელიც ივნისის ბოლოს დასრულდება, მათი მონაწილეობით ფესტივალი უკვე შემოდგომაზე გაიმართება.
ფესტივალის სამხატვრო ხელმძღვანელები არიან – ანსამბლ ,,შავნაბადას“ ხელმძღვანელი, ლოტბარი – დავით ცინცაძე და ანსამბლ ,,საგალობელის“ ხელმძღვანელი, ლოტბარი – მაია მიქაბერიძე.
