თბილისი-ბათუმი-თბილისის მიმართულებით პირდაპირ ფრენებს ქართული ავიაკომპანია Geosky იწყებს, – ამის შესახებ ინფორმაციას აჭარის მთავრობა ავრცელებს.
მათივე ინფორმაციით, ფრანგული წარმოების საჰაერო ხომალდმა ATR72-მა პირველი დაშვება ბათუმის საერთაშორისო აეროპორტში განახორციელა.
პირველი ხომალდის დაშვებას აჭარის ფინანსთა და ეკონომიკის მინისტრი ჯაბა ფუტკარაძე, ბათუმის მერ არჩილ ჩიქოვანთან და ტურიზმის დეპარტამენტის ხელმძღვანელ თინა ზოიძესთან ერთად დაესწრო. საჰაერო ხომალდის დათვალიერების შემდეგ მინისტრი ავიაკომპანიის გეგმებს გაეცნო.
28 ივლისიდან, 70 ადამიანზე გათვლილი სამგზავრო ხომალდი, რეგულარულ ფრენებს, თბილისი-ბათუმი-თბილისის მიმართულებით, ყოველდღიურად შეასრულებს.
