ტექნიკურ მთავრობაზე საუბარი უკვე მარაზმია, ტრაგიკომედიაში ვართ. სალომე ზურაბიშვილის განცხადებები არაკონსტიტუციურია და მისი ქმედებები პრეზიდენტის ინსტიტუტს შეურაცხყოფას აყენებს, – ამის შესახებ საპარლამენტო უმრავლესობის წევრმა, ირაკლი კირცხალიამ განაცხადა.
კირცხალიას თქმით, სალომე ზურაბიშვილის ქარტიაზე ხელმომწერთა 99 პროცენტი საარჩევნო ბარიერს ვერ გადალახავს.
„სერიოზული კომენტარი როგორ გავაკეთო პრეზიდენტად წოდებულ ადამიანზე, რომელმაც 26 ოქტომბრისთვის დააანონსა, პრეზიდენტის სასახლეში „ნაცმოძრაობის“ შტაბი უნდა გავხსნაო. ასეთ განცხადებას რომ მოისმენ, რომელ ადეკვატურობაზე უნდა ისაუბრო? ესენი სადღაც სხედან, ერთმანეთს ატყუებენ, ალბათ, ჩაი-ყავას სვამენ და ტექნიკურ მთავრობას ინაწილებენ. რომელ ტექნიკურ მთავრობაზე საუბრობენ, კვლევებს გადახედონ. ქარტიაზე ხელმომწერთა 99 პროცენტი საარჩევნო ბარიერს ვერ გადალახავს. „ნაცმოძრაობის“ შტაბში, პრეზიდენტის სასახლეში სხედან და ტექნიკურ მთავრობას ინაწილებენ. წარმოიდგინეთ, როგორი აბსურდის თეატრია და ამომრჩეველს როგორ შეურაცხყოფას აყენებენ“, – განაცხადა ირაკლი კირცხალიამ.
