უწყვეტ რეჟიმში მიმდინარეობს სამძებრო-სამაშველო სამუშაოები. დღეს მდინარე ჭანჭახის კალაპოტში კიდევ ერთი ცხედარი იპოვეს, რომელიც გადაგზავნილია ექსპერტიზაზე, – ამის შესახებ განაცხადა რაჭა-ლეჩხუმ-ქვემო სვანეთის სახელმწიფო რწმუნებულმა, პაპუნა მარგველიძემ.
„ვეძებთ ერთ დაკარგულ მოქალაქეს. ორივე არასრულწლოვანი იყო ვისაც ვეძებდით, მათ შორის ერთ-ერთია ნაპოვნი“, – აცხადებს მარგველიძე.
შინაგან საქმეთა სამინისტროს ინფორმაციით, ამ დროისთვის, რაჭაში, სტიქიის ზონაში აღმოჩენილია 32 ცხედარი და ძებნა 1 პირთან დაკავშირებით აქტიურად მიმდინარეობს.
