საუკეთესო გასეირნება ბორნით მტკვარზე – ეს არის ისტორიული ექსკურსია თბილისში, რომელიც ტურისტებს განსაცვიფრებელი პეიზაჟებით ხიბლავს. ტურის ფარგლებში, შეგიძლიათ 30 წუთის განმავლობაში ისიამოვნოთ დედაქალაქის ულამაზესი ხედების დათვალიერებით, მიირთვათ სასურველი სასმელი, გადაიღოთ სამახსოვრო ფოტოები მეგობრებთან ერთად, ასევე, მოაწყოთ დაბადების დღის წვეულება და ა.შ. დაუვიწყარი დროის გასატარებლად მტკვარზე ბორნით გასეირნება, მართლაც რომ საუკეთესო არჩევანია. ამ ყველაფერს კი Tbilisi Boat Tours-ი გთავაზობთ (ფეისბუქ გვერდი , 557 770 158).
Tbilisi Boat Tours-ი მტკვრის მარცხენა სანაპიროზე მდებარეობს, მშვიდობის ხიდთან, ევროპის მოედანზე, საიდანაც ბორნებზე გადასვლა შეიძლება. ბორნებით გასეირნება კვირის ნებისმიერ დღეს და დროს არის შესაძლებელი.
უფრო ვრცლად კი, საკუთარ მომსახურებაზე „ჯორჯიან თაიმსს“ Tbilisi Boat Tours-ის ერთ-ერთი დამფუძნებელი, – გოგა ნიაზაშვილი ესაუბრა:
„ჩვენს ბორანს „კატამარანი“ ჰქვია, რომელიც სწრაფმავალი, ტურისტული კატერია. ამჟამად ერთი ბორანი გვაქვს, მეორეს კი სარესტავრაციო სამუშაოები უტარდება.
სტუმრებს ბორნით გასეირნების დროს, ჩვენი ქვეყნის ისტორიას ვუყვებით. გასეირნების საფასურში შედის, ასევე, ღვინის, ქართული არყის, ყავისა და ჩაის შეთავაზება. მომხმარებელს შეუძლია ნებისმიერი ერთი სასმელი არჩიოს და ისიამოვნოს. ფასები სხვადასხვა გვაქვს, გააჩნია მომხმარებელს,- ესეც ინდივიდუალურია.
გვაქვს ასევე, სადღესასწაულო პაკეტები, სადაც შედის დაბადების დღის აღნიშვნა და სხვადასხვა სახის წვეულების გამართვა.
უფრო მეტი მომხმარებელი ზაფხულში გვყავს, ზამთარსა და სხვა სეზონებში – ნაკლებად. ძირითადი მომხმარებლები ტურისტები არიან და რა თქმა უნდა, ქართველებიც,“- აცხადებს გოგა ნიაზაშვილი.
როგორც ის გვიხსნის, გასეირნების მონაკვეთი იუსტიციის სახლიდან 300 არაგველის ძეგლამდეა და დაახლოებით ნახევარი საათია.
„ამ დროის მონაკვეთში, ვისაც აინტერესებს, თბილისის ისტორიული ძეგლების შესახებ ვუყვებით, ზოგს მხოლოდ სურათების გადაღება უნდა და ა.შ.
სამომავლოდ, მეორე ბორნის რესტავრაცია დასრულდება და უფრო მეტ მომხმარებელს გავასეირნებთ. დანარჩენი კი ჩვენს მერზეა დამოკიდებული, რაც უფრო მეტად გაგვილამაზებს ამ ადგილს და ხელს შეგვიწყობს უფრო უკეთესი იქნება,“ – აღნიშნავს ჩვენთან საუბარში გოგა ნიაზაშვილი.
/ ნინო ოთარაშვილი /
