მაქვს სასწაულის იმედი, იმიტომ რომ . ძალიან ცნობილი ექიმები ჩამოდიოდნენ, ჩვენივე ძალიან ცნობილი ექიმები სინჯავდნენ და ამბობდნენ, რომ სასწრაფოდ გასაყვანია. ჯერჯერობით ძლებს, მაგრამ ყოველდღე უფრო და უფრო სუსტად არის, – ამის შესახებ გიული ალასანიამ ჟურნალისტებთან მიხეილ სააკაშვილის ჯანმრთელობის მდგომარეობაზე საუბრისას განაცხადა. ექსპრეზიდენტის დედის განცხადებით, სააკაშვილის მდგომარეობა ყოველდღე უარესდება.
„სამწუხაროდ, მისი ჯანმრთელობის მდგომარეობა არ არის კარგი. ძალიან სუსტად არის ადამიანი. სულ ველოდებით, რომ რაღაც სასწაული მოხდეს. უკვე ჯანმრთელობაზე არ ვლაპარაკობთ. ჩვენ პირდაპირ ვლაპარაკობთ იმაზე, რომ ეს ადამიანი უნდა გაათავისუფლონ, იმიტომ რომ საერთოდ უმიზეზოდ ზის, საერთოდ. [პატიმრობაში] არის იმიტომ, რომ ყველაფერს აკეთებდა რუსეთის საწინააღმდეგოდ, რომ არ ჩააბარა თავის დროზე ქვეყანა რუსეთს. აი ეს არის მიზეზი, რის გამოც დაავადდა იმ ციხეში, თორემ სრულიად ჯანმრთელი შევიდა“, – განაცხადა ალასანიამ.
