„სიმართლე არ დაიმალება და ამ სიმართლეს არ სჭირდება არც ერთი პოლიტიკური ჯგუფის აქტიურობა“, – ამის შესახებ მმართველი გუნდის წევრმა გია ცაგარეიშვილმა ქოლცენტრების საქმესთან დაკავშირებით განაცხადა.
მისი თქმით, ოპოზიციის მთავარი მიზანი საგამოძიებო პროცესის ხელის შეშლაა.
„სიმართლე არ დაიმალება და ამ სიმართლეს არ სჭირდება არც ერთი პოლიტიკური ჯგუფის აქტიურობა. ეს არის სწორედ ჩვენი ოპოზიციის მიერ სპეციალურად შემოგდებული თემა იმისთვის, რომ ამ საგამოძიებო კომისიის მუშაობის დროს მთელი დოკუმენტაცია იყოს გამოტანილი საქართველოს უკვე გენერალური პროკურატურიდან, იყოს მოტანილი აქ და შემდეგ ვაფრიალოთ ეს ყველა ოთახში და ყველამ იცოდეს რაზე მუშაობს საქართველოში გამოძიება, ეს ყველაფერი შემდეგ მოხსენდეს მათ ფაშას კვიპროსში თუ ბრიტანეთში ბატონ კეზერაშვილს“, – აცხადებს უმრავლესობის წევრი.
