ჩინეთის პრეზიდენტმა სი ძინპინმა უკრაინის პრეზიდენტ ვოლოდიმირ ზელენსკისთან სატელეფონო საუბარი გამართა.
„მე მქონდა გრძელი და მნიშვნელოვანი სატელეფონო საუბარი პრეზიდენტ სი ძინპინთან. მჯერა, რომ ეს საუბარი, ისევე როგორც უკრაინის ელჩის დანიშვნა ჩინეთში, ძლიერ ბიძგს მისცემს ჩვენი ორმხრივი ურთიერთობების განვითარებას“, – აღნიშნულია ზელენსკის მიერ სოციალურ ქსელში გავრცელებულ განცხადებაში.
რა საკითხებზე ისაუბრეს მხარეებმა, ჯერჯერობით უცნობია.
ორი ქვეყნის ლიდერს შორის უკრაინაში ომის დაწყების შემდეგ არანაირი კომუნიკაცია არ შემდგარა.
ვოლოდიმირ ზელენსკის სი ძინპინთან საუბარი დიდი ხნის განმავლობაში სურდა, თუმცა ჩინეთის ლიდერი თავს იკავებდა.
