მაშველებმა შვეიცარიის კურორტ ცერმატთან ახლოს, მთებში ხუთი მოთხილამურის ცხედარი იპოვეს. ამის შესახებ Blick-ი იტყობინება.
უცხოური მედიის ცნობით, სამძებრო ოპერაციის ჩასატარებლად Air Zermatt-ის სამაშველო ვერტმფრენი იყო გაგზავნილი.
დაღუპულთა ოფიციალური იდენტიფიცირება ჯერ კიდევ მიმდინარეობს. ვალეს კანტონის პროკურატურამ ტრაგედიის ზუსტი გარემოებების დასადგენად გამოძიება დაიწყო.
გავრცელებული ინფორმაციით, მოთხილამურეები სათხილამურო ტურზე რიმპფიშჰორნში იმყოფებოდნენ, რაც გულისხმობს მწვერვალზე თხილამურებით სრიალს და შემდეგ ისევ ქვემოთ დაშვებას.
ინფორმაციისთვის, რიმპფიშჰორნი მწვერვალია პენინის ალპებში, სიმაღლე 4199 მ. მდებარეობს შვეიცარიაში.
