5 და 6 ოქტომბერს დედაქალაქში „თბილისობა“ აღინიშნება. ამის შესახებ თბილისის მერმა, კახა კალაძემ დედაქალაქის მთავრობის სხდომაზე აღნიშნა.
როგორც მან განმარტა, თბილისობა წელსაც რიყის პარკსა და ორბელიანის მოედანზე გაიმართება.
„ჩვენ ყოველ წელს აღვნიშნავთ ჩვენი ქალაქის დღეებს. წელსაც 5 და 6 ოქტომბერი იქნება დედაქალაქის დღეები, „თბილისობა“, რომელიც რიყის პარკსა და ორბელიანის მოედანზე გაიმართება. ძალიან საინტერესო ღონისძიებებია დაგეგმილი, რის შესახებაც დეტალურ ინფორმაციას სულ მალე გაგიზიარებთ. იქამდე კი მოინიშნეთ 5 და 6 ოქტომბერი, ეს იქნება დედაქალაქის დღეები და ერთად აღვნიშნოთ „თბილისობა“, – აღნიშნა კახა კალაძემ.
