„საქართველოს ხელმძღვანელობა უნდა შეეგუოს აფხაზეთის დამოუკიდებლობას,“ – ამის შესახებ ოკუპირებული აფხაზეთის ე.წ. პრეზიდენტმა ბადრა გუნბამ „რია ნოვოსტისთან“ ინტერვიუში განაცხადა.
„საქართველოს პოლიტიკური ელიტა რეალობას ვერ შეეგუა. აფხაზეთი დამოუკიდებელი სახელმწიფოა“, – განაცხადა გუნბამ.
გუნბა აცხადებს, რომ თბილისთან დიალოგი შესაძლებელია მხოლოდ აფხაზეთის „სუვერენიტეტის“ აღიარებისა და ძალის გამოუყენებლობის შესახებ შეთანხმების ხელმოწერის პირობით.
“ჩვენი პრიორიტეტია, ვიცხოვროთ მშვიდობით ყველა ჩვენს მეზობელთან. საქართველოსთან კეთილმეგობრული ურთიერთობები გვსურს, რომ მისმა ხელმძღვანელობამ გააცნობიეროს: მათ წინაშე დამოუკიდებელი სახელმწიფოა”. – თქვა გუნბამ.
