საქართველოს ეროვნულმა ნაკრებმა წარმატებით იასპარეზა პარიზში გამართულ ფიზიკის (IPhO 2025) 55 -ე საერთაშორისო სასწავლო ოლიმპიადაზე.
ბრინჯაოს მედლები მოიპოვეს ვლადიმირ კომაროვის თბილისის ფიზიკა-მათემატიკის №199 საჯარო სკოლის მოსწავლეებმა არჩილ ზაბახიძემ და ცოტნე გიორგაძემ, საპატიო სიგელი გადაეცა ამავე სკოლის მოსწავლე ირაკლი მექვაბიშვილს.
ფიზიკის საერთაშორისო სასწავლო ოლიმპიადისთვის საქართველოს ნაკრები გუნდების შერჩევა, მომზადება და მონაწილეობა შოთა რუსთაველის საქართველოს ეროვნული სამეცნიერო ფონდის ადმინისტრირებით, საქართველოს განათლების, მეცნიერებისა და ახალგაზრდობის სამინისტროს მხარდაჭერით ხორციელდება.
გუნდის ლიდერია რამაზ ხომერიკი, თანალიდერი – -გიორგი ბახტაძე, ასისტენტი- -გიორგი გრიგოლია, , დამხმარე პედაგოგი- დაჩი ჭოტაშვილი.
საერთაშორისო სასწავლო ოლიმპიადები მასშტაბურობითა და ხანგრძლივი გამოცდილებით გამოირჩევიან; მათი მიზანია სხვადასხვა დისციპლინაში მოსწავლეების ცოდნისა და უნარ-ჩვევების ამაღლება-დახვეწა, საერთაშორისო გამოცდილების გაზიარება.
