საქართველო ევროკავშირში გაწევრიანების კანდიდატის სტატუსს გარკვეული პირობებით მიიღებს, – წერს “რადიო თავისუფლების” ევროპელი მიმომხილველი, რიკარდ იოზვიაკი.
„27 ევროკომისრის კაბინეტის ხელმძღვანელები 6 ნოემბერს ევროკავშირის გაფართოების შესახებ განსახილველად შეიკრიბნენ. 7 ნოემბერს მოლაპარაკებები გაგრძელდება, მაგრამ მთავარი წინაპირობები ნათელია: უკრაინა და მოლდოვა ევროკავშირში გაწევრიანების მოლაპარაკებების გახსნას ელოდება (სავარაუდოდ, 2024 წლის მარტში) საქართველო მიიღებს კანდიდატის სტატუსს შემდეგ ეტაპზე გადასვლის პირობებით”, – წერს იოზვიაკი.
ევროკომისიის რეკომენდაცია 8 ნოემბერს გამოქვეყნდება, ხოლო საბოლოო გადაწყვეტილებას ევროკავშირის ლიდერები დეკემბერში მიიღებენ.
