„მე მახსოვს, „FARA”-ს ნათარგმნი და ჩვენ მიერ ინიცირებული „გამჭვირვალობის შესახებ” კანონი როგორ მონათლეს „რუსულ კანონად”, – ამის შესახებ, „ხალხის ძალის” წევრმა ეკა სეფაშვილმა, გადაცემაში „დღის თემაში” ისაუბრა.
სეფაშვილის თქმით, აშშ-ს საელჩო და ელჩი ცდილობს, მანიპულირებით გადაფაროს „FARA”-ს საშუალებით გამოქვეყნებული ინფორმაცია.
„პირდაპირ საოცარია ის, რომ აშშ-ს ელჩი თუ საელჩო არ ეცნობა „FARA”-ს დოკუმენტაციას, რომელიც აშშ-ს იუსტიციის დეპარტამენტის ვებგვერდზეა გამოქვეყნებული და ასე დაწვრილებით ეცნობა საქართველოს ტელევიზიების მიერ გავრცელებულ ინფორმაციებს და საქართველოში პოლიტიკოსების განცხადებებს, თუმცა შესაბამისად მანიპულაციურ დასკვნებს აკეთებს. მათი ეს შეფასება მთლად ზუსტი არაა.
მეც მქონდა შეფასება ამ „FARA”-ს დოკუმენტზე, ასევე სხვა პოლიტიკოსებს როგორც „ქართული ოცნებიდან”, ასევე „ხალხის ძალისგან”. ჩვენ კონკრეტულ შემთხვევაში აღვნიშნავთ, რომ ამ დოკუმენტში საუბარია ამ თუ იმ პიროვნებების მონაწილეობაზე. თანხის პირდაპირ გადაცემაზე აქ საუბარი არ ყოფილა. ის ფაქტი, რომ ისინი მონაწილეობდნენ ამ კამპანიაში და „ FARA”-ს დოკუმენტში ნახსენებია, ასევე, საელჩოს თანამშრომლები – ეს დამტკიცებული ფაქტია და დევს იუსტიციის ვებგვერდზე.
ეს ინფორმაციები ვრცელდება, მედიის და სოციალური ქსელის მეშვეობით და მათ შეუძლიათ ამას გაეცნონ. მანიპულაციური დასკვნები, რომელსაც ისინი ავრცელებენ, ეს მათი ჩვეული სტილია. მე მახსოვს, „FARA”-ს ნათარგმნი და ჩვენ მიერ ინიცირებული „გამჭვირვალობის შესახებ” კანონი როგორ მონათლეს „რუსულ კანონად”. ასეთი მანიპულაციები, როდესაც უნდათ სიმართლის დაფარვა, მათი მხრიდან პირველი შემთხვევა არაა.
მე ვფიქრობ, ესეც ანალოგიური ტიპის შემთხვევაა, როდესაც უნდათ იმ სიმართლის გადაფარვა, რაც წერია „FARA”-ს საშუალებით გამოქვეყნებულ დოკუმენტებში. ეს ამ სიმართლის გადაფარვის ერთ-ერთი მცდელობაა”, – განაცხადა სეფაშვილმა.
