“სალომე ზურაბიშვილი ძალიან კომიკურ მდგომარეობაშია, ერთი ჩვეულებრივი „ნაცია“ და „ნაცურ“ განცხადებებს აკეთებს”, – ამის შესახებ საპარლამენტო უმრავლესობის წევრმა არჩილ გორდულაძემ განაცხადა.
„სამწუხაროდ, ქალბატონი სალომე ზურაბიშვილი ძალიან კომიკურ მდგომარეობაშია, ამ ბოლო დროს ალოგიკურ განცხადებებს აკეთებს. მესიჯებიც სავარაუდოდ გვიან მისდის და იძულებულია თავად მოიფიქროს, შავ დღეშია. ერთი ჩვეულებრივი „ნაცია“ და „ნაცურ“ განცხადებებს აკეთებს, – ამის შესახებ საპარლამენტო უმრავლესობის წევრმა, არჩილ გორდულაძემ განაცხადა.
რაც შეეხება ოპოზიციას და მიიღებს თუ არა ის მონაწილეობას თვითმმართველობის არჩევნებში, არჩილ გორდულაძე აცხადებს, რომ „რასაც დაავალებენ, იმას გააკეთებენ“.
„ამჟამად ორ პარტიას აქვს დავალება, როგორმე უნდა გათეთრდნენ და არჩევნებში მონაწილეობა მიიღონ. სხვა ორმა „ნაცმა“ პარტიამ უნდა მოახერხოს და „ლელო-ნაცები“ და „გახარიები-ნაცები“ როგორმე საზოგადოების თვალში მოაშორონ „ნაციონალური მოძრაობის“ წარსულს, რაც არ გამოუვათ. არ არსებობს ქვეყნად იმდენი წვიმა, რომ ეს ყორნები შესაძლებელი იყოს, ჩამოირეცხონ“, – განაცხადა არჩილ გორდულაძემ.
