სახეზეა მორიგი ტალღა, რომ პიარული ხერხებით ისე წარმოაჩინონ სიტუაცია, რომ თითქოს ადგილი აქვს კვლავ არაადამიანურ მოპყრობას სააკაშვილის მიმართ, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ მედიას განუცხადა.
„სინამდვილეში სიტუაცია კვლავ უცვლელია. სააკაშვილმა დაიკლო წონაში, რისი მიზეზიც გახლავთ სავარაუდოდ ქირურგიული ჩარევა, რაზედაც საუბარი იყო და ასევე მის მიერ გამოცხადებული შიმშილობა და ის დიეტის რეჟიმი, რასაც ის თვითდაზიანებისთვის მიმართავდა. თუ ის დაემორჩილება იმ რეკომენდაციებს, რომელსაც აძლევენ, რასაკვირველია მას ჯანმრთელობის არავითარი პრობლემა არ ექნება“, – აღნიშნა მიხეილ სარჯველაძემ.
