საკანონმდებლო ცვლილებებს მეტი ერთიანობა და პროტესტი უნდა დავუპირისპიროთ, რაც უფრო ღრმად შეტოპავენ, უფრო სწრაფად დაასრულებს საკუთარ თავს ვერშემდგარი ივანიშვილის დიქტატურა, – ამის შესახებ „ერთიანობა – ნაციონალური მოძრაობის“ ერთ-ერთმა ლიდერმა, გიორგი ვაშაძემ განაცხადა.
ვაშაძის თქმით, „ქართული ოცნების“ დაანონსებული საკანონმდებლო ცვლილებების მიზანია, მედიის გაჩუმება, პროტესტის ჩახშობა და პოლიტიკური ოპონენტების დაპატიმრება.
“რაც შემოაქვთ ახლა სამ მიზანს ისახავს. პირველი გააჩუმონ მედია და მედიასთან დაკავშირებით კანონი შემოიღეს. თქვენ კოლეგებს შეიძლება, ციხეშიც უკრან თავი ისე, როგორც მზია ამაღლობელი ჰყავთ გამოკეტილი. ვფიქრობ, სოლიდარობა მასთან მიმართებით ძალიან მნიშვნელოვანი იქნებოდა. მეორე მიზანია ჩაახშონ პროტესტი, ანუ აღკვეთონ პროტესტის შესაძლებლობა და აი ეს კანონებია. მესამე მიზანია დააპატიმრონ პოლიტიკური ოპონენტები ანუ ჩვენ, პოლიტიკური ოპონენტები გამოგვკეტონ ციხეში. აი, ეს არის მათი მიზანი. ჩვენ ამას უნდა დავუპირისპიროთ მეტი ერთიანობა, მეტი პროტესტი და რაც უფრო ღრმად შეტოპავენ მოკლე პერიოდში, მით უფრო სწრაფად დაასრულებს თავის თავს ვერშემდგარი ივანიშვილის დიქტატურა“, – განაცხადა ვაშაძემ.
