საერთაშორისო საარბიტრაჟო სასამართლომ „ლელოს“ მორიგი თაღლითობა დაასრულა, – ამის შესახებ საპარლამენტო უმრავლესობის წევრმა, ნინო წილოსანმა განაცხადა.
წილოსანის თქმით, არბირტაჟის გადაწყვეტილებით, მკაფიოდ თქვეს: პროექტი იმიტომ ჩავარდა, რომ ეს მხოლოდ მათი დანაშაული იყო, ხოლო სახელმწიფომ ყველაფერი გააკეთა, რათა პროექტი შესრულებულიყო.
„შეცვლილი იყო პირობები, რაც „ლელოს“ ყოველ ჯერზე უკეთეს შესაძლებლობას აძლევდა, პროექტი დაესრულებინა. ეს მათ უნიათობას კარგად გვაჩვენებს, რამდენად შეუძლიათ, რაიმეს ბოლომდე მიყვანა. ეს გადაწყვეტილება „ლელოს“ ამომრჩეველს აჩვენებს მათ ტყუილ დაპირებებს“, – განაცხადა ნინო წილოსანმა.
