საერთაშორისო, მულტინაციონალური ფარმაცევტული კომპანია GM PHARMA მსოფლიოში მიმდინარე ჰიპერტენზიის კამპანიას წელსაც შეუერთდა

საზოგადოებრივი ჯანმრთელობის ხელშეწყობა საქართველოს წამყვანი ფარმაცევტული კომპანიის მთავარი პრიორიტეტია.

მიმდინარე წლის მაისში, GM PHARMA-ამ – ერთადერთმა საერთაშორისო ფარმაცევტულმა კომპანიამ საქართველოდან, კიდევ ერთხელ დაადასტურა საკუთარი ერთგულება საზოგადოებრივი ჯანმრთელობის მიმართ და აქტიური მონაწილეობა მიიღო არტერიული ჰიპერტენზიის წინააღმდეგ გლობალურ ინიციატივაში. კამპანიის ფარგლებში, მოსახლეობას შესთავაზეს უფასო სამედიცინო კონსულტაციები და დიაგნოსტიკური კვლევები, რაც ხაზს უსვამს GM PHARMA-ს სოციალურ პასუხისმგებლობასა და პრევენციული მედიცინის მხარდაჭერისადმი მზაობას.

ჰიპერტენზიის მსოფლიო დღე, რომელიც 2005 წელს ჰიპერტენზიის მსოფლიო ლიგამ (WHL) დააფუძნა, წარმოადგენს გლობალურ ინიციატივას, რომლის მიზანია საზოგადოებაში არტერიული ჰიპერტენზიის შესახებ ცნობიერების ამაღლება. არტერიული ჰიპერტენზია კი გულ-სისხლძარღვთა დაავადებებისა და ინსულტის ერთ-ერთი მთავარი რისკფაქტორია. გლობალურად, ჰიპერტენზია მილიარდზე მეტი ადამიანის ჯანმრთელობას აზიანებს, თუმცა მათი დიდი ნაწილი შესაძლოა ვერც კი აცნობიერებდეს დაავადების არსებობას. აღნიშნული გლობალური კამპანია მიზნად ისახავს არტერიული წნევის რისკების შესახებ საზოგადოების ინფორმირებულობას და ხაზს უსვამს წნევის რეგულარული მონიტორინგისა და ჯანსაღი ცხოვრების წესის მნიშვნელობას. დაავადების ადრეული დიაგნოსტირება მნიშვნელოვანია, რადგან ხშირად ჰიპერტენზია სიმპტომების გარეშე მიმდინარეობს და პაციენტები ექიმს უკვე სერიოზული გართულებებით მიმართავენ.

GM PHARMA-ს სოციალური პასუხისმგებლობა და ჩართულობა არტერიული ჰიპერტენზიის კამპანიაში

ყოველწლიურად, GM PHARMA აქტიურად უჭერს მხარს ჰიპერტენზიის მსოფლიო დღის სულისკვეთებას – კომპანია აქტიურად აწყობს უფასო გამოკვლევებსა და სკრინინგებს, რაც საზოგადოებაში დაავადების ადრეულ გამოვლენასა და სერიოზული გართულებების თავიდან აცილებას ისახავს მიზნად. წელს კამპანია,  პარტნიორ კლინიკებთან მჭიდრო თანამშრომლობით, რამდენიმე ეტაპად ჩატარდა ქვეყნის მასშტაბით.

საქართველოში უფასო გასინჯვები თავდაპირველად რუსთავში, თელავში, ქუთაისსა და მესტიაში დაიწყო, რასაც შემდგომ თბილისიც შეუერთდა. დედაქალაქის მაცხოვრებლებს უფასო კონსულტაციების მიღების შესაძლებლობა ორ კლინიკაში – „ნიუ ჰოსპიტალსსა“ და „ჩაფიძის გულის ცენტრში“ ჰქონდათ. ჰიპერტენზიის მსოფლიო კამპანიას შეუერთდა ქ. გორიც.

როგორც საერთაშორისო კომპანიამ, GM PHARMA-მ გულის უფასო სკრინინგის სერვისი ცენტრალური აზიის ქვეყნების მოსახლეობასაც შესთავაზა, მათ შორის უზბეკეთსა და ტაჯიკეთში – რაც კიდევ ერთხელ ნათლად ასახავს კომპანიის ერთგულებას გლობალური ჯანდაცვის ხელშეწყობის მიმართ.

კამპანიის ფარგლებში, პაციენტებს შესაძლებლობა ჰქონდათ უფასოდ ესარგებლათ შემდეგი სამედიცინო მომსახურებით:

• კარდიოლოგის კონსულტაცია
• ელექტროკარდიოგრაფია (ე.კ.გ.)
• ექოკარდიოსკოპია (საჭიროებისამებრ)

განსაკუთრებული ყურადღება ეთმობოდა სოციალურად დაუცველ ჯგუფებს, მათ შორის პენსიონერებს, ვეტერანებს, ინვალიდებსა და საოკუპაციო ხაზთან მცხოვრებ მოსახლეობას.

მსოფლიო ჰიპერტენზიის ლიგის მისიის ფარგლებში, GM PHARMA აქტიურად იყო კამპანიის მთავარი გზავნილის – „გაიზომე და აკონტროლე წნევა, გაიხანგრძლივე სიცოცხლე!“ – ერთგული მხარდამჭერი.

GM PHARMA-ს აღმასრულებელმა დირექტორმა, ლევან ვარდუაშვილმა, ინიციატივის ფართო მიზნებს კიდევ ერთხელ გაუსვა ხაზი:

„არტერიული ჰიპერტენზია მრავალი კარდიოვასკულარული გართულების წინაპირობაა და ქრონიკულ მდგომარეობად არის აღიარებული. GM PHARMA-ს პროდუქციის ჩამონათვალში 10-ზე მეტი ანტიჰიპერტენზიული მედიკამენტია წარმოდგენილი, რომლებიც პაციენტებს დაავადების ეფექტურად მართვაში ეხმარება. აღნიშნული პრეპარატები ასევე ქრონიკული დაავადებების სამკურნალო მედიკამენტებით უზრუნველყოფის სახელმწიფო პროგრამაშია ჩართული.

კამპანიის ფარგლებში, ჩვენი მთავარი პრიორიტეტი სოციალურად მოწყვლადი ჯგუფების – პენსიონერების, ვეტერანების, შშმ პირებისა და ოკუპაციის ხაზთან მცხოვრები მოსახლეობის მხარდაჭერა და მათ საჭიროებებზე ორიენტირება იყო. მიგვაჩნია, რომ ჰიპერტენზიის ადრეული დიაგნოსტირება და საზოგადოების სწორად ინფორმირება უმნიშვნელოვანესი ნაბიჯია გრძელვადიანი გართულებების თავიდან ასაცილებლად“.

მან ასევე აღნიშნა: „უნდა აღინიშნოს ის ფაქტიც, რომ ჩვენი კომპანიის კვლევა-განვითარების ლაბორატორია აქტიურად მუშაობს ახალი ფარმაცევტული პრეპარატების, მათ შორის ანტიჰიპერტენზიული მედიკამენტების შექმნაზე. უახლოეს მომავალში ვგეგმავთ აღნიშნული პროდუქტების დანერგვას როგორც ადგილობრივ, ისე საერთაშორისო ბაზრებზე. ჩვენი მთავარი პრიორიტეტი ხომ ადამიანების ჯანმრთელობისა და კეთილდღეობის ხელშეწყობაა“.

წელს GM PHARMA არსებობის 25 წლის იუბილეს აღნიშნავს, რაც მნიშვნელოვანი ეტაპია კომპანიის ისტორიაში. მეოთხედ საუკუნეში, GM PHARMA გარდაიქმნა გლობალური აღიარების მქონე საერთაშორისო კომპანიად, რომელიც მუდმივად ავლენს ლიდერულ პოზიციებს ფარმაცევტულ ინდუსტრიაში და ერთგულად ემსახურება საზოგადოებრივ ჯანმრთელობას. დაფუძნების დღიდან კომპანიის მისია და ფასეულობები უცვლელია – მეცნიერულ მიდგომებზე და ინდუსტრიის საუკეთესო პრაქტიკაზე დაყრდნობით ხარისხისა და პროდუქტების მუდმივი სრულყოფა და ისეთი მედიკამენტების წარმოება-მიწოდება, რომელიც პაციენტების ცხოვრების ხარისხს გააუმჯობესებს და მათ სიცოცხლეს გაახანგრძლივებს. აღსანიშნავია, რომ გულ-სისხლძარღვთა პრეპარატები, GM PHARMA-ს პროდუქციის ფართო ჩამონათვალში, ყველაზე დიდ და მრავალფეროვან ჯგუფს წარმოადგენს.

„GM PHARMA – ემსახურება მათ, ვისაც ყველაზე მეტად სჭირდება!“

(R)