თბილისის საკრებულოს დიდუბის მაჟორიტარმა სოცდაუცველ და მრავალშვილიან ოჯახებს სააღდგომო ნობათი გადასცა. თბილისის საკრებულოს დიდუბის მაჟორიტარმა, გივი ჩხარტიშვილმა სოციალურად დაუცველ, მრავალშვილიან ოჯახებს, ომის ვეტერანებს, დამსახურებულ პედაგოგებსა და საპატიო დიდუბელებს სააღდგომო ნობათი გადასცა. ნობათთან ერთად მათ სასაჩუქრე ვაუჩერებიც გადაეცათ.
“ამდენი ოჯახის და ადამიანის გახარებას ვერ შევძლებდით, რომ არა დიდუბის რაიონის გამგეობის და კერძო ბიზნესის თანადგომა. დიდი მადლობა თითოეულ კომპანიას, ვინც შემოგვიერთდა ამ კეთილს საქმეში და მოგვცა შესაძლებლობა გამოგვეჩინა ყურადღება ადამიანებისადმი, ვისაც ეს ყველაზე მეტად სჭირდება. Ვიცი, რომ ეს არ არის ბევრი, მაგრამ იმედი გვაქვს, ამ ერთობლივი ძალისხმევით შევძელით და მათ აღდგომის დღესასწაული გავულამაზეთ”, – აღნიშნა გივი ჩხარტიშვილმა.
