საქართველოს განათლების, მეცნიერებისა და ახალგაზრდობის სამინისტროს სსიპ შოთა რუსთაველის საქართველოს ეროვნულმა სამეცნიერო ფონდმა ქალაქ ზუგდიდში გამართულ საქართველოს დამოუკიდებლობის დღისადმი მიძღვნილ საზეიმო ღონისძიებაში მიიღო მონაწილეობა. საქართველოს განათლების, მეცნიერებისა და ახალგაზრდობის მინისტრის პირველ მოადგილეს, გიორგი მოდებაძესა და მინისტრის მოადგილე გიორგი ჯინჭარაძეს ფონდის აქტივობები გენერალურმა დირექტორმა, თეიმურაზ დოჭვირმა გააცნო.
რუსთაველის ფონდის მიერ ადმინისტრირებული მოსწავლე გამომგონებელთა და მკვლევართა კონკურსის „ლეონარდო და ვინჩის“ გამარჯვებულმა მოსწავლეებმა, ნორჩმა გამომგონებლებმა (ხელმძღვანელი უტა კილასონია), ასევე, მეცნიერების პოპულარიზაციისთვის მიზნობრივი საგრანტო კონკურსის გამარჯვებული ინოვაციური პროექტის კოორდინატორმა გიორგი ანდიაშვილმა გამართეს გამოგონებების ჩვენება, ჩაატარეს სადემონსტრაციო-სახალისო ექსპერიმენტები. სხვადასხვა წარმატებული პროექტის პრეზენტაცია ღონისძიების მონაწილეების, დამთვალიერებლების აქტიური ჩართულობით წარიმართა.
ასევე ჩატარდა შემეცნებითი ვიქტორინა მეცნიერების თემატიკაზე, რომლის გამარჯვებულები სიმბოლური პრიზებით, საჩუქრებით დაჯილდოვდნენ.
