რუსეთის ჯარმა უკრაინის ტერიტორიაზე იერიში „შაჰიდის“ დრონებით მიიტანა. ინფორმაციას ამის შესახებ უკრაინის შეიარაღებული ძალების საჰაერო ძალების სარდლობა ავრცელებს.
მათი ცნობით, იერიშის დროს 29 დრონი იყო გამოყენებული, 24-ის ჩამოგდება ოდესის, ნიკოლაევისა და კიროვოგრადის ოლქებში მოხერხდა. იერიშის შედეგების შესახებ ინფორმაცია ამ ეტაპზე არ ვრცელდება.
თავის მხრივ, დრონების იერიშის შესახებ რუსეთის კურსკის ოლქის გუბერნატორმა განაცხადა. მისი თქმით, უკრაინამ დრონებით იერიში რეგიონის რამდენიმე ინფრასტრუქტურულ ობიექტზე მიიტანა.
