რუსეთმა ბოლო 24 საათში საჰაერო თავდასხმა ხარკოვზე ორჯერ განახორციელა. ადგილობრივი ხელისუფლების ინფორმაციით, შედეგად სულ მცირე ოთხი ადამიანი დაიღუპა, 60-ზე მეტი კი დაშავდა.
როგორც ქალაქის მერმა, იგორ ტერეხოვმა განაცხადა, სრულმასშტაბიანი ომის დაწყების შემდეგ ხარკოვზე ახლა ყველაზე ძლიერი შეტევა მიმდინარეობს.
უკრაინის სამხედრო ძალები იუწყებიან, რომ რუსეთმა ღამით გაუშვა 206 დრონი, ორი ბალისტიკური და შვიდი სხვა ტიპის რაკეტა.
