რუსეთისრუსეთის არმია განაგრძობს წინსვლას აღმოსავლეთ უკრაინაში და გასულ კვირას უფრო მეტი ტერიტორია დაიკავა, ვიდრე ნებისმიერ დროს მიმდინარე წელს. ინფორმაციას ამის შესახებ სააგენტო Bloomberg-ი ავრცელებს.
კერძოდ, რუსეთმა 200 კვადრატული კილომეტრი ტერიტორია დაიკავა, რასაც ემატება ზაფხულის შეტევის დროს დაკავებული ტერიტორია.
Bloomberg Intelligence-ის გამოთვლების თანახმად, 6 აგვისტოდან რუსეთმა უკრაინაში 1.146 კვადრატული კილომეტრი ტერიტორია დაიკავა, რაც დაახლოებით მეოთხედით აღემატება მიმდინარე წლის პირველ შვიდ თვეში დაკავებულ ტერიტორიას.
„მიმდინარე კვირაში რუსულმა ჯარებმა დაიკავეს ქალაქი სელიდოვო და მათი შემდეგი სამიზნეებია პოკროვსკი და კურახოვო. ორივე ქალაქი დონეცკის ოლქში უკრაინის თავდაცვის მნიშვნელოვანი ლოგისტიკური ცენტრებია“, – წერს Bloomberg-ი.
