„რუსეთი დარჩა დამოუკიდებელი და თავისუფალი ბირთვული იარაღის წყალობით“, – ამის შესახებ რუსეთის პატრიარქმა კირილმა განაცხადა.
პატრიარქმა კირილმა ბირთვული ცენტრის ხელმძღვანელ რადი ილკაევს წმინდა სერგი რადონეჟელის I ხარისხის ორდენი გადასცა.
„რადი ივანოვიჩი, თამამად ვიტყოდი, დიდი რუსი მეცნიერია. ის ხელმძღვანელობს კურჩატოვის მიერ შექმნილ ბირთვულ ცენტრს. რომ არა კურჩატოვის, რადი ივანოვიჩის, მათი კოლეგების, მათი ძმების მუშაობა, ძნელი სათქმელია, იარსებებდა თუ არა ჩვენი ქვეყანა, მათ შექმნეს იარაღი წმინდა სერაფიმ საროველის მფარველობით, რადგან ღვთის უთქმელი განგებულების თანახმად, ეს იარაღი წმინდა სერაფიმეს მონასტერში შეიქმნა. ამ ძალის წყალობით რუსეთი დარჩა – დამოუკიდებელი და თავისუფალი. მათ პრაქტიკულად გადაარჩინეს ქვეყანა“, – განაცხადა რუსეთის მართლმადიდებლური ეკლესიის წინამძღვარმა.
