საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი რუსეთის მიერ უკრაინაზე განხორციელებულ თავდასხმას ეხმაურება.
„რუსეთი აგრძელებს ბრუტალურ თავდასხმებს უკრაინის მოსახლეობაზე, ღამის საათებში დრონებითა და რაკეტებით დაბომბა ენერგეტიკული ინფრასტრუქტურა, დაიღუპა და დაშავდა ათობით ადამიანი, ეს საფრთხეს უქმნის ზაპოროჟიეს ატომურ ელექტროსადგურს. ეს უნდა შეჩერდეს, ყველა დამნაშავე მიეცემა პასუხისგებაში“, – წერს ბორელი სოციალურ ქსელში.
შეგახსენებთ, რომ გასულ ღამეს რუსეთმა უკრაინის ენერგოსისტემაზე ყველაზე მასშტაბური შეტევა განახორციელა.
როგორც ცნობილია, რუსი სამხედროების სამიზნე სხვადასხვა ენერგეტიკული ობიექტი იყო, თუმცა „დნეპროჰესმა“ მნიშვნელოვანი ზიანი მიიღო.
