ამერიკელი გადასახადის გადამხდელები აფინანსებდნენ ამ ომს, რომ არა ამერიკელი გადასახადის გადამხდელები, ზელენსკის აღარ ექნებოდა ქვეყანა – ამიტომ, პრეზიდენტი იმედგაცრუებულია ზელენსკის კომენტარებით, – განაცხადა თეთრი სახლის პრესმდივანმა, კაროლინ ლევიტმა.
„ყველაფერი, რაც პრეზიდენტმა თქვა, სიმართლეა. უკრაინაში არჩევნები არ ჩატარებულა ბოლო რამდენიმე წლის განმავლობაში, ზელენსკიმ მართლაც დაუწესა საომარი მდგომარეობა უკრაინელ ხალხს. ეს არის ფაქტები. პრეზიდენტმა გაზარდა ზეწოლის კამპანია, რადგან მას სურს სამშვიდობო გარიგების დადება, მას სურს შეაჩეროს მკვლელობა ამ ომში“, – აღნიშნა თეთრი სახლის ოფიციალურმა წარმომადგენელმა.
„ამერიკელი გადასახადის გადამხდელები აფინანსებდნენ ამ ომს. რომ არა ამერიკელი გადასახადის გადამხდელები, ზელენსკის აღარ ექნებოდა ქვეყანა. ამიტომ, პრეზიდენტი იმედგაცრუებულია ზელენსკის კომენტარებით“, – აღნიშნა მან.
კაროლინ ლევიტმა ხაზგასმით აღნიშნა, რომ პრეზიდენტ ტრამპს სჯერა დიალოგისა და ხისტი დიპლომატიის.
