![ოფ](https://geotimes.ge/wp-content/uploads/2024/02/oph.jpg)
„ქართული ოცნების“ ოფისი ორთაჭალაში, გორგასლის 20 ნომერში განთავსდება.
მმართველი პარტიის განმარტებით, ოფისის მშენებლობას „ქართული ოცნება“ არ აფინანსებს და მშენებარე ოფისი იჯარა-გამოსყიდვის ან იჯარის ხელშეკრულებით უნდა იქირაოს პარტიამ. რის შესახებაც მიმდინარეობს მოლაპარაკებები და ხელშეკრულების გაფორმებისთანავე, ინფორმაცია გასაჯაროვდება.
8-სართულიან თანამედროვე ნაგებობას, სადაც მმართველი პარტიის ოფისი უნდა განთავსდეს, შპს ნიუ ოფისი აშენებს, მისი მფლობელი და დირექტორი დავით ანდღულაძეა.
დარბაზი ძირითად ნაგებობას ხიდით უკავშირდება. შენობას აქვს დახურული ტერასებიც.
სათათბირო სივრცეში განთავსდება მრგვალი მაგიდა მონიტორებით. შენობის ფასადზე ვიტრაჟებს შორის 45 გრადუსიანი ჭრის დეკორატიული კედლებია.
საბოლოო ჯამში, 7 მიწისზედა და 1 მიწისქვეშა სართული განაშენიანების ფართით, K2 კოეფიციენტის 8 383 კვ.მ შენობა 34.95 მეტრის სიმაღლის იქნება.
შენობის შუაგულში გათვალისწინებულია ბირთვი, რომელიც მოიცავს ორ კიბის უჯრედს და სამ ლიფტს თავისი ჰოლით.